ᲐᲛᲮᲐᲜᲐᲒᲣᲠᲘ | ᲓᲘᲜᲐᲛᲝ ᲑᲐᲗᲣᲛᲘ 0-3 ᲠᲘᲖᲔᲡᲞᲝᲠᲘ

საზაფხულო შეკრებაზე დინამო ბათუმმა მეორე ამხანაგური მატჩი გამართა. ამჯერად, ჩვენი გუნდის მეტოქე თურქეთის სუპერლიგის კიდევ ერთი წარმომადგენელი, რიზესპორი გახლდათ.

შეხვედრა ორმხრივი შეტევებით წარიმართა და რიზელთა გამარჯვებით - 3:0 დასრულდა. მატჩში ანგარიში 32-ე წუთზე ალთინ ზექირიმ გახსნა, რასაც მალევე ჩვენს კარში მეორე გოლიც მოჰყვა - 39-ე წუთზე თავი ზაქარია არისმა გამოიჩინა.

მეორე ტაიმი უცვლელი სცენარით გაგრძელდა. მიუხედავად იმისა, რომ მომენტები ორივე კართან იქმნებოდა, გატანა კვლავ რიზესპორმა შეძლო: 74-ე წუთზე შედეგიანი დარტყმა დალ ვარესანოვიჩმა შეასრულა და საბოლოო ანგარიში დააფიქსირა.

დინამო ბათუმი 0-3 რიზესპორი

ერზრუმი

ძირითადი შემადგენლობა: კუპატაძე, ტურიცოვი, ქაფიანიძე (კ), კარლსონი, კალანდარიშვილი, ჯაფარიძე, ალთუნაშვილი, კირკიტაძე, მარა, ვიტორი, მაურიდესი

სათადარიგო შემადგენლობა: თურმანიძე, კობახიძე, გეთიაშვილი, ლაკვეხელიანი, ჩიტეიშვილი, მილჩენკო, კოხრეიძე, წულუკიძე, მანდრიჩენკო, ბარამიძე, ხოზრევანიძე.

მთავარი მწვრთნელი: გიორგი ჭიაბრიშვილი

გოლები: 0:1 ზექირი (32’), 0:2 არისი (39’), 0:3 ვარესანოვიჩი (74’)

საზაფხულო შეკრების დასკვნით შეხვედრას დინამო ბათუმი 16 ივლისს, ამედსპორის წინააღმდეგ გამართავს. ამის შემდეგ გუნდი ბათუმში დაბრუნდება და 20 ივლისიდან სეზონის განახლებისთვის მზადებას ადგილზე განაგრძობს.